Avokati i njohur, Altin Goxhaj, ka folur në lidhje me skandalin e fabrikës së bitumit, e cila pritej të ndërtohej nga Bashkia e Tiranës në Pezë-Helmës.
I ftuar në studion e RTV Ora, Goxhaj theksoi se Bashkia e Tiranës po vepron me mënyra mafioze, duke shtuar se kjo fabrikë mund të ndërtohej në një zonë të pabanuar.
Sipas avokatit, banorët e Pezë Helmësit shkuan deri aty sa e kërcënuan Veliajn se do ta digjnin ose hidhnin në erë impiantin, pasi rrezikonte jetën e tyre dhe fëmijëve të tyre.
Goxhaj tha:
Bashkia e Tiranës vepron me metoda mafioze. Bashkia i ka të gjitha mundësitë për ta bërë këtë fabrikë në një zonë të pabanuar. Në Shqipëri ka një agjendë për të largua njerëzit nga periferia, për të ardhur në tiranë në godinat që ndërton Erion Veliaj, me para të çuditshme dhe pastaj largohen nga vendi. Kërkesa dhe oferta për apartamente nuk kanë lidhje me njëra-tjetrën. Ndërsa rasti i Pezë Helmës ishte i thjeshtë. Ata e kërcënuan Veliaj se nëse do të guxonte ta ndizte impiantit, do të merrnin përgjegjësitë ligjore dhe do ta digjnin ose ta hidhnin në erë. Konceptimi i tyre ishte që nuk kanë çfarë e duan jetën, kur do të helmojnë fëmijët e tyre, sepse këto janë substanca shumë të rrezikshme. Ne i ndihmuam me kodin Penal që të ishin të mbrojtur, me nenin e kushteve të nevojshme, ku mund të shkelet ligji, ku dëmi që bën është më i vogël se sa ai që mund të pësosh. Ata kështu e kërcënuan dhe impianti nuk u ndez. Ndërsa për banorët e Krrabës së pari, duhet të ketë informim dhe së dyti të thirren në seanca ku të mbahen dëgjesa publike.
