Kyeministri i Shqipërisë Edi Rama ka reaguar pas akuzave që i janë bërë presidentit të Kosvës Hashim Thaçi dhe ish-kryeparlamentarit Kadri Veseli, për krume lufte.
Në reagimin e tij Rama thekson se ende nuk arrin të gjejë fjalët e duhura ndaj këtyre akuzave ndaj atyre që luftuan kundër gjakatarit Millosheviç.
Gjithashtu Rama thekson se ditën e nesërme do të shpreht publikisht për të gjithë shqiptarët.
Postimi:
Qëkur e kam marrë lajmin e listës së Tribunalit Special dhe kam lexuar emrat e kriminelëve të supozuar të Luftës Çlirimtare të Kosovës, përpiqem po nuk arrij të formuloj fjalitë e duhura për të shprehur indinjatën time!
Do të shprehem publikisht nesër me një mesazh për të gjithë shqiptarët, por jam e do të jem deri në fund, në krah të të gjithë atyre që luftuan me armë për ta çprangosur Kosovën e burgosur në ferrin e Sllobodan Milosheviçit, duke mbyllur me gjak, nder e lavdi një histori padrejtësie historike!
RROFTË KOSOVA dhe sot më shumë se kurrë NDERIM UDHËHEQËSVE TË LUFTËS ÇLIRIMTARE🇦🇱👐🏿🇪🇺
