Pas aktakuzës të ngritur nga Haga për Hashim Thaçin dhe Kadri Veselin, kanë reaguar edhe aktorët politikë në Kosovë. Haradinaj shkruan se UÇK ka bërë luftë të pastër.
“Populli shqiptar i Kosovës me të drejtë zhvilloi luftë për liri, pas shtypjes së egër nga regjimet e ndryshme serbe, që zgjati pothuajse një shekull, duke kulmuar me regjimin e Millosheviçit.
Ushtria Çlirimtare e Kosovës ka bërë luftë të pastër, rezultat i së cilës ishte liria dhe themelimi i Republikës së Kosovës.
Ne besojmë në pafajësinë e presidentit Thaçi, kryetarit Veseli dhe të gjithë bashkëluftetarëve të tjerë”, shkroi Haradinaj në “Facebook”.
Kurti
Edhe Albin Kurti ka reaguar pas lajmit për aktakuzë nga Prokurori i Specializuar për presidentin Hashim Thaçi dhe kreun e PDK-së, Kadri Veseli. Kurti ka thënë se ajo që po shihet sot është si pasojë e gabimeve që janë bërë më herët.
“Pasnesër bëhen 5 vite kur pat dështuar amandamentimi i Kushtetutës për nenin 24-të që i hapte rrugë formimit të Gjykatës Speciale, me 3 gusht sivjet bëhen 5 vite kur i njëjti nen si amendamentin kaloi pas trysnisë së paparë që u reflektua me përdredhje duarsh të deputetëve. Ajo cka po shohim sot është pasojë e re e gabimeve të mëhershme”, ka thënë Kurti.
Postimi i Isa Mustafës:
Besoj thellë se lufta e UÇK-së
Ishte dhe do të konfirmohet nga drejtësia ndërkombëtare si luftë e drejtë dhe pastër, se luftëtarët e UÇK-së luftuan për ta mbrojtur popullin e Kosovës nga terrori, likuidimi dhe gjenocidi serb. IM
