Ish-Kryeministri Sali Berisha ka reaguar lidhur me dhunën e ushtruar nga policia ndaj një qytetari të arrestuar, video e cila është publikuar në ditët e fundit.
Ndërsa ka kërkuar të bëhen publikë, emrat e dhunuesve me uniformë, Berisha ka drejtuar gishtin e akuzës mbi Kryeministrin, ministrin e Brendshme dhe Drejtorin e Policisë së Shtetit.
“Qytetarin e lidhur me hekura në duar, shtaza me uniformë e godet me grusht në fytyrë dhe shtaza tjetër me uniformë e mban! Emrat e tyre si në asnjë vend të botës i mbajnë sekret për publikun. Gjersa të bëhen publikë emrat e tyre, për çdo njeri, emrat e vërtetë të tyre janë tre: Edvin Kristaq Krimineli, gjeneral Hashash Skuthi dhe Ardi Gerond Droga! Ndiqeni videon e tyre”, shkruan Berisha.
