Një tjetër person ka ndërruar jetë në Klinikën Infektive të QKUK-së, ndërsa ishte në pritje të rezultatit për COVID-19. Lajm u bë i ditur nga ky institucion. Sipas njoftimit, janë të hospitalizuar 104 raste, prej të cilëve të sëmurë me Covid-19 janë gjithsej 101 raste.
“Prej tyre, 51 raste janë duke u trajtuar me oksigjenoterapi dhe përkujdesje intensive, 6 raste janë duke u trajtuar ne repartin e mjekimit Intensiv, 5 prej tyre janë në gjendje kritike”, thuhet në njoftim.
Sipas të njëjtave burime, sot do të dalin nga spitali 2 pacientë të shëruar nga Covid-19, si dhe do të lirohet një rast pozitiv – për vetizolim në shtëpi- pasi është në gjendje të stabilizuar. Nga 13 marsi dhe deri më tani, janë regjistruar 2.216 raste me COVID-19, prej të cilëve 38 kanë vdekur.
DENONCO