Rritet sërish numri i të infektuarve me COVID-19 në vend.
Sipas Ministrisë së Shëndetësisë, gjatë 24-orëve të fundit, janë shënuar 52 raste të reja infeksionesh. Ditën e djeshme, u regjistruan 33 raste të reja.
Rastet aktive kanë shënuar pikën më të lartë këtë të Martë që nga shfaqja e koronavirusit në vend – 807 dhe ndodhen kryesisht në Tiranë, Shkodër dhe Durrës. Sipas Ministrisë së Shëndetësisë, 36 persona janë shëruar në 24 orët e fundit, ndërsa në spitale janë të shtruar 81 pacientë, 11 prej të cilëve në terapi intensive.
