Manchester City arriti mbrëmjen e djeshme një fitore të lehtë me rezultatin e thellë 5-0 kundër Burnley.
E vetmja notë negative ishte dëmtimi i Sergio Aguero. Argjentinasi u dëmtua në fundin e pjesës së parë dhe nuk mundi ta mbyllte ndeshjen.
Dëmtimi i sulmuesit është i një shkalle të rëndë dhe pritet të kryejë një operacion në gjurin e majtë në Barcelonë. Ka qenë pikërisht babai i argjentinasit, që e ka konfirmuar këtë lajm që keq për sulmuesin dhe skuadrën e Guardiolës.
”Fola pak me të pas ndeshjes se e ka pësuar goditje pikërisht aty ku kishte dhimbje edhe gjatë javës. Është pjesa e meniskut dhe sot pritet të kryhet një test tjetër.”
“Sipas kalkulimeve të mia, ai do të operohet të enjten ose të premten në Barcelonë, aty ku e bëri dhe herën e fundit”, deklaroi Leonel del Castillo për “Radio La Red”.
