Durrësi dhe Kruja, pas shumë javësh, nuk kanë regjistruar gjatë 24 orëve të fundit asnjë rast me COVID-19.
Raportohet se në 24 orët e fundit, pas testeve të kryera nuk ka rezultuar pozitiv asnjë qytetar.
Në komunikimet zyrtare të Ministrisë së Shëndetësisë, Durrësi dhe Kruja janë ndër dy qytetet më të prekura nga COVID-19.
Në dy qytetet numërohen 150 raste aktive, duke e kthyer qarkun e Durrësit më të prekurin pas Tiranës, ku numërohen 366 pacientë aktivë nga 792 janë në total.
Ndërkohë raportohet se rastet e reja në Kamëz dhe Pogradec janë kontakte të rasteve të mëparshme.
Ministria e Shëndetësisë deklaroi se nga 33 rastet e zbuluara në 24 orët e fundit 23 janë në Tiranë, mes të cilëve edhe vatra të reja, për të cilat ka nisur hetimi epidemiologjik.
