Gjykata e Beratit ka caktuar masën e sigurisë “Arrest me burg” për 48-vjeçarin Sokol Kapinova i cili u vu në pranga pasi ngacmoi seksualisht një vajzë 5-vjeçe.
Mësohet se në seancën e sotme Kapinova nuk ka shprehur asnjë pendesë për veprimin e kryer me të miturën, ndërkohë që asnjë avokat nuk ka pranuar ta mbrojë dhe atij i është zgjedhur nga Gjykata e Beratit.
48-vjeçai u vu në pranga tre ditë më parë pas kuzave se kishte ngacmuar seksualisht vajzën 5-vjeçare të komshiut të tij në lagjen “Barrikadë” të qytetit të Beratit. Nga vizita mjekësore që është kryer nga mjekët specialist rezultoi se e mitura kishte shenja të ngacmimit seksual.
Burime bëjnë me dije se Sokol Kapinova e ka gënjyer vajzën 5-vjeçe së bashku me motrën e saj 7-vjeçe me ëmbëlsira dhe kumbulla, duke i futur të dyja brenda në banesën e tij.
Më pas, ai ka futur në njërën nga dhomat 5-vjeçaren dhe e ka ngacmuar atë seksualisht. Por kur e mitura ka filluar të qajë ai i ka lënë të dalin jashtë, pa menduar se motrat do t’u tregonin prindërve atë çfarë kishte ndodhur në banesën e tij.
Ai jetonte i vetëm dhe banorët e lagjes e njohin si një person të alkoolizuar.
