Një djalë 24 vjeç Jack Nunn dhe e dashura e tij 22 vjeç Hannah Elsworth, e cila ishte infermiere, kanë ndërruar jetë në një aksident me makinë në Huddersfield Road, Barnsley, Yorkshire të Jugut
Makina e tyre Audi, ka dalë nga rruga dhe është përplasur me një pemë rreth orës 1:00 të mëngjesit gjatë ditës së sotme. Direkt pas përplasjes, makina ka marrë flakë.
Banorët që ndodheshin në atë zonë janë zgjuar nga zhurma e madhe që është shkaktuar nga përplasja dhe u përpoqën t’i shpëtonin, por ishte e pamundur pasi makina mori flakë.
Ata u munduan të shuanin zjarrin me kova uji, por të dy të rinjtë tashmë kishin ndërruar jetë. Në pemën ku dy të rinjtë pësuan aksidentin, familjarët vendosën lule të shumta, u përqafuan dhe ngushëlluan njëri-tjetrin për këtë humbje.
