Rastet me Covid-19 në Pogradec kanë detyruar institucionet e shëndetit publik që të mbyllin konsultoret e fëmijëve në këtë qytet.
Gjatë 24 orëve të fundit në Pogradec u raportuan 3 raste me koronavirus, që u tha se ishin infektuar në Tiranë. Ndërkohë rezulton se 1 mjek dhe dy infermiere janë pozitive, çka ka detyruar pjesën tjetër të personelit të vetëkarantinohet për dy javë, edhe pse nga testimet e kryera kanë rezultuar negativë.
Ambientet e konsultores janë dezinfektuar, ndërkohë që vijon hetimi epidemiologjik për gjetjen e kontakteve të 3 personave të prekur.
