VIDEO/ Atentati ndaj prokurorit, pamjet kur autorët e dyshuar largohen më këmbë pasi braktisën makinën

Andi Maloku

Publikohen pamjet e autorëve të dyshuar të atentatit ndaj prokurorit Arjan Ndoja, që një ditë më parë deputeti Halit Valteri i tregoi në Kuvend.

Në një intervistë për mediat, Valteri tha se videon e kishte marrë nga i ati i Andi Malokut, shoferit të mjetit me të cilën lëvizte prokurori, që u qëllua me breshëri nga një tjetër mjet në lëvizje. Andi Maloku humbi jetën në spital pas atentatit.

Babai i Andi Malokut, Genci, flet për një person tjetër si autor të dyshuar (përvec Rredjan Rrajës, të vetmit të arrestuar lidhur me ngjarjen), që në video shfaqet me kapele dhe i ka kërkuar prokurorisë dhe policisë ta arrestojnë ose do bëjë vetëgjyqësi, tha deputeti Valteri në një deklaratë për mediat.

LEXO EDHE  Policia blindon zonën e ‘5 Majit’, pritet shembja e banesave

“Në video duken dy persona që largohen më këmbë pasi kanë braktisur makinën (me të cilën u krye atenati). Njëri prej tyre është Redjan Rraja”, raporton News 24 që ka publikuar videon.

Pas publikimit të videos, sot Valteri është paraqitur në SPAK, pasi Prokuroria e thirri një ditë më parë për të treguar se çfarë dinte në lidhje më ngjarjen.