Sane do të transferohet te Bayern-i, lajmin e “konfirmon” Guardiola

Bayern Munchen e ka kthyer në prioritet transferimin e anësorit  të Man.City-t, Leroy Sane. Kampionët e Gjermanisë e kërkojnë prej kohësh sulmuesin e majtë dhe tani pritet të arrihet akordi me Manchester City.

Trajneri i skuadrës angleze, Pep Guardiola,  është shfaqur i dorëzuar në lidhje me 24-vjeçarin e kombëtares gjermane pasi ka deklaruar se Sane ka refuzuar rinovimin me “Qytetarët” pavarësisht tentativave të tij për ta bindur të qëndrojë.

“Të gjithë e dinë që Sane ka refuzuar 2-3 herë rinovimin me ne. Nëse arrijmë akord financiar me ndonjë skuadër në fund të sezonit, Leroy mund të largohet, përndryshe do të largohet kur t’i përfundojë kontrata.

Kur i bëjnë një ofertë rinovimi një lojtari, do të thotë që duam ta kemi sërish mes nesh. Sane ka cilësi të veçanta dhe është një djalë i mirë. Nuk kam asgjë kundër tij, ai dëshiron të provojë një sfidë të re“, deklaron Guardiola në konferencë për shtyp.

LEXO EDHE  Kupa e Mbretit/ Eliminohet Barcelona, Athletic Bilbao triumfon pas 120 minutash