Regjizori Robert Budina paralajmëroi padi penale ndaj Kryeministrit Edi Rama dhe ministren e Shëndetësisë, Ogerta Manastirliu.
Reagimi i Budinës në emisionin “Zonë e Lirë” ishte në vijim të qëndrimeve të shfaqura prej regjizorit, pasi emri i tij dhe i të vëllait, Edmond Budina, u publikuan nga Rama, si të prekur nga Covid-19.
“Bëmë testet, na thanë se kemi koronavirus, por nuk na kanë dhënë asnjë copë letër. Unë ndjehem mirë, nuk kam asnjë shenjë.
Kam pasur një kontakt me një person të afërm që ka rezultuar me koronavirus.
Por nuk kemi asnjë shenjë, kam kërkuar që ti bëhen testet edhe familjarëve dhe më thonë se nuk ka nevojë se nuk kanë shenja.
Unë nesër do të bëj një test më të sigurtë, për të parë nëse kam ose jo gjë, por shenja nuk kam”, tha Budina.
Ai shtoi se nuk e dinte pse Rama kishte zgjedhur të bënte publik emrat e dy vëllezërve, por e lidhi këtë me frikën që ka nga Teatri.
“Sot kishte edhe lajme të tjera, shumë më të rëndësishme, si 15 kushtet e Parlamentit Europian, por Rama zgjodhi të na publikonte emrat ne”, tha Budina. Sipas tij, publikimi i emrave është një shkelje e të drejtave, ndaj dhe qoftë
Kryeministrin, ashtu edhe ministres e Shëndetësisë, do e padisim penalisht.
