Duka: Reja përsërit arritjet e De Biasit, suksesi i Lazios meritë e Tares

Presidenti i Federatës Shqiptare të Futbollit, Armand Duka ka dhënë një intervistë të gjatë për TutoMercatoweb ku ka folur për shumë tema.

Ndër të tjera, Duka, foli për trajneri aktual të kombëtares shqiptare, Edi Reja për të cilin mendon se është i aftë të arrijë sukseset e Di Biazit në Shqipëri.

Ju e doni Italinë. Çfarë mund të na thoni për trajnerin Reja?

“Edi është një trajner i madh, ka eksperiencë dhe shumë ndeshje në karrierë. Kemi shumë shpresa, që me të në stol të kualifikohemi në një turne madhor, duke përsëritur atë çfarë ka bërë heroi ynë Xhani De Biazi, të cilin e do i gjithë populli shqiptar.”

I pyetur për drejtorin sportiv të Lazios, Igli Tare, presidenti i FSHF-së ka thënë:

LEXO EDHE  Statistikat/ 5 arsyet përse Lewandowski është më i miri

“Mendoj se ai është i aftë të arrijë suksesin si në Itali, ashtu edhe në Evropë. Ka gjetur lojtarë të mirë, duke ndërtuar një skuadër të aftë për të marrë rezultate të mira. Madje, edhe ekonomikisht ka bërë punë shumë të mirë: është e gjitha meritë e tij.”