Publikohet foto e 22-vjeçarit Sebastian Mali, personit që dyshohet se ndoqi Hekuran Billën mbrëmjen e 11 qershorit. Sebastian Mali është nipi i Prel Markut, që në vitin 2006 u vra në Angli nga Hekuran Billa.
22-vjeçari Sebastian Mali dyshohet se ka ndjekur Hekuran Billën ditën e vrasjes dhe më pas ka dhënë informacionin e saktë për vendndodhjen e tij.
Gjithashtu Sebastian Mali është edhe nipi i Viktor Markut, që mendohet se vrau Hekuran Billën. Policia thotë se Sebastian Mali edhe ka ndihmuar edhe në largimin e autorëve nga fshati Pezë e Vogël, ku ata dogjën makinën që përdorën në atentat.
I riu është identifikuar nëpërmjet kamerave të sigurisë, pasi ka lëvizur me një automjet tjetër mbrëmjen që u ekzekutua 40-vjeçari Hekuran Billa. Grupi hetimor thekson se Sebastian Mali ka ndihmuar në vrasjen e Billës për hakmarrje, pasi i ishte vrarë daja në vitin 2006-të.
Gjatë operacionit policia ka sekuestruar 3 automjete që mund të jenë përdorur pas vrasjes. Policia vijon të ketë në kërkim Viktor Markun, vëllain e Prel Markut. Viktori mendohet se është personi që qëlloi ndaj Hekuran Billës./Marrë nga Mapo.al/
Momenti i arrestimit:
