Përfaqësuesi i PD në Këshillin Politik, Oerd Bylykbashi deklaroi pasdite, pas dy orëve takim, se opozita ofroi konstruktivitet dhe vullnet për zgjidhje të ngërçit politik, me një formulë, që siguron kandidatë me integritet për KQZ-në dhe administrimin e zgjedhjeve.
Me propozimin e ri, Bylykbashi tha se u plotësua kërkesa e mazhorancës që procesi të vijë në Parlament. Ideja e re, është që komisionerët të zgjidhen në kuvend, por nga një trupë juristësh e propozuar nga PS, PD dhe LSI.
Janë tre nivele, Komsioni Qendror, ai Rregullator, dhe i Ankesave. Bylykbashi tha se formula e opozitës, është e certifikuar nga Venecia, e aplikuar për reformën në drejtësi.
Sipas tij, përfaqësuesi i qeverisë, sërish nuk ka pranuar, por ai shpreson në një reflektim të shumicës.
