Milani është i interesuar të sjellë në “San Siro” sulmuesin serb të Real Madrid, Luca Jovic, i cili ka pëlqimin e trajnerit të ardhshëm të kuqezinjve, Ralf Rangnick.
Reali i Madridit e bleu 22-vjeçarin nga skuadra e Eintracht Frankfurt për 60 milionë euro dhe siç raportojnë mediat italiane, “Los Blancos” do të kërkojnë rreth 50 milionë euro për ta lënë atë të lirë.
LEXO EDHE Sulmuesi i Skënderbeut gjen akordin me klubin nga Malta, 24 vjeçari kryen testet mjekësore
Kjo shifër konsiderohet si shumë e lartë për Milanin të cilët duhet të gjejnë një zgjidhje tjetër. Kështu mediat italiane raportojnë se kuqezinjtë kanë ofruar një huazim dy vjeçar, për të lehtësuar peshën e Jovic në bilancin e Realit të Madridit dhe më pas detyrimin për blerje për shifrën e 35 milionë eurove.
