Elisa Spiropali, e ftuar në emisionin “Rudina” pasditen e djeshme, foli për jetën e saj private, si e ka kaluar karantinën dhe foli për dy fëmijët e saj, Naltën dhe të porsalindurin Kren.
Spiropali tregoi se që e vogël pushimet i kishte kaluar në jugun e Shqipërisë dhe se nuk i “ndahet shpirti nga aty”.
Pjesë nga intervista:
Rudina: Sivjet janë planifikuar pushimet për familjen tuaj? Do të bëni pushime?
Elisa Spiropali: Po patjetër, do të bëjmë pushime aq sa na lejohet, por diku besoj në jug, në Vlorë, diku tjetër. Edhe të duam nuk ikim dot me sa po shohim. Ne gjithmonë i bëjmë pushimet në jug, aty e kam syrin dhe shpirtin.
Rudina: Dashurinë e vjetër?
Elisa Spiropali: Nuk më ndahet shpirti nga aty.
Rudina: Aq më tepër që jugu po bëhet çdo vit e më i bukur. Duket edhe nga investimet e ndryshme që po bëhen. Çdo fshat duket sikur ka filluar të marrë veten.
Elisa Spiropali: Po kthehet në identitet.
