Kuvendi rrëzoi tre dekrete të kthyer mbrapsht nga Presidenti Ilir Meta “për aktivitetet e turizmit detar”, “për tatimin mbi vlerën e shtuar”, dhe atë “për prokurimet në fushën e mbrojtjes dhe sigurisë”. Ajo që bie në sy gjatë votimeve është fakti se ligjet përgjithësisht janë miratuar me mbi 84 vota, ndërsa dekretet u rrëzuan me mbi 80 vota.
Ligji për “Tatimin mbi vlerën e shtuar”, u rrëzua me 83 kundër 16 pro; Ligji për “Prokurimet në fushën e mbrojtjes dhe të Sigurisë” u rrëzua me 81 kundër 17 pro dhe Ligji për “Aktivitetet e turizmit detar” u rrëzua me 84 kundër 17 pro.
Kreu i Shtetit, Ilir Meta, refuzoi të dekretojë ligjin e ri të qeverisë për “Tatimin mbi vlerën e shtuar”, që përjashton nga TVSH-ja të gjithë blerësit e mjeteve lundruese si jahte.
Meta e riktheu për rishqyrtim ligjin me argumentin se kjo nismë krijon idenë e përjashtimit me natyrë klienteliste.
“Krijon idenë e një përjashtimi me natyrë klientiste dhe preferenciale, sepse përjashton jahtet dhe mjeteve të tjera ujore që përdoren për qëllime turistike, kënaqësie dhe argëtimi. Është një veprim, i cili zvogëlon më tej bazën tatimore të Tatimit mbi Vlerën e Shtuar; Nuk është në harmoni me nevojat emergjente të vendit, si dhe me parashikimet e Institucioneve Financiare, të cilat raportojnë për përkeqësimin e situatës ekonomike në vendin tonë.”- thekson Presidenti. Nisma e qeverisë krijoi mjaft debat në opinionin publik dhe nga opozita për shkak se përjashtimi i importit të jahteve u bë në një kohë që vendi ishte në karantinë dhe qytetarët po merrnin ndihma ekonomike”.
Në datë 11 maj Presidenti Ilir Meta i ka kthyer Kuvendit të Shqipërisë, ligjin për “Prokurimet në fushën e mbrojtjes dhe të sigurisë”.
“Pavarësisht qëllimit pozitiv të deklaruar të kësaj nisme ligjore, mënyra e formulimit të disa prej dispozitave që lidhen me shtrirjen e zbatueshmërisë së këtij ligji, cenojn parime të rëndësishme kushtetuese”– thuhet ne argumentimin e Presidentit, qe arsyeton edhe faktin pse nuk ka vene firmen mbi kete ligj.
Sipas tij, “nga shqyrtimi i përmbajtjes së disa dispozitave konkrete të ligjit, mungesa e përcaktimit të qartë e shterues të fushës së zbatimit të këtij ligji sa i përket llojit të mallrave dhe shërbimeve që mund të prokurohen sipas përcaktimeve të tij, krijon hapësirë që jo vetëm të shmangen procedurat e hapura për prokurimet në fushën e mbrojtjes dhe të sigurisë, por dhe të ulet ndjeshëm mundësia e biznesit vendas për pjesëmarrje në këto procedura prokurimi, ku kriter kryesor është pasja e CSI-së (Certifikatës së Sigurimit Industrial)”
Ne relacion theksohet se “Mungesa e përcaktimit të qartë të fushës së zbatimit të këtij ligji sa i përket objektit jo shterues të mallrave dhe shërbimeve që mund të prokurohen sipas tij, cenon parimin e lirisë së veprimtarisë ekonomike, barazisë përpara ligjit, me pasojë diskriminimin e operatorëve të ndryshëm në treg, duke rritur mundësitë për dëm ekonomik ndaj financave të shtetit”.
-Ndërsa në datë 26 maj, Presidenti Meta ka kthyer ne Kuvend ligjin për aktivitetet e turizmit detar.
Votimi në Kuvend
-“Për aktivitetet e turizmit detar” me 84 vota kundër, 17 pro e 5 abstenim
-“Për tatimin mbi vlerën e shtuar” me 83 vota kundër, 16 pro e 7 abstenim
-“Për prokurimet në fushën e mbrojtjes dhe sigurisë” me 81 vota kundër, 17 pro e 8 abstenim
Ndërsa votimi lidhur me propozimin e grupeve parlamentare për postin e Rudina Hajdarit si bashkëkryetare e Komisionit për Reformën Zgjedhore është shtyrë për javën e ardhshme.
Ja çfarë miratoi Kuvendi
Me 103 vota pro, 2 kundër dhe 3 abstenim Projekrezoluta “Mbi progresin e Shqipërisë në procesin e integrimit në Bashkimin Evropian përgjatë vitit 2019
Me 88 vota pro, 11 kundër dhe 10 abstenim projektrezoluta “Për vlerësimin e veprimtarisë vjetore të Autoritetit për Informimin mbi Dokumentet e ish- Sigurimit të Shtetit për vitin 2019M
Me 89 vota pro, 11 kundër dhe 9 abstenim projektrezolutën “Për vlerësimin e veprimtarisë së Prokurorisë për vitin 2019”
Me 86 vota pro, 14 kundër dhe 6 abstenim, Projektligji për disa ndryshime dhe shtea në ligjin nr.12/2018, “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme
Me 91 vota pro, 10 kundër dhe 7 abstenim projektvendimin “Për miratimin e strukturës organizative, organikës dhe klasifikimit të pagave të personelit të ILD.
Me 97 vota pro, projekrezoluta “Për vlerësimin e punës së grupit të deputetëve ‘Miqtë e fëmijëve” për vitin 2019 dhe për planin e veprimit për vitin 2020.
