Një lajm i trishtë ka goditur futbollin spanjoll ditën e sotme. Juan Carlos Unzue, ish-ndihmës trajneri i Luis Enriques te Barcelona, është diagnostikuar me Sklerozë Anësore Amyotrofike (ALS), një sëmundje e tmerrshme që prek sistemin nervor qendror dhe që përparon deri në paralizë.
Unzue do të paraqitet në konferencë për media ditën e sotme për të treguar rreth sëmundjes. Sipas mjekëve, 53 vjeçari mund të mbijetoj më së shumti katër vite pas paraqitjes së një sëmundje të tillë.
Juan Carlos Unzue është një ish-portier i njohur që pjesën më të madhe të karrierës e kaloi te Sevilla, por që ka luajtur edhe me Tenerifen, Osasunën dhe për një periudhë të shkurtër kohe edhe me Barcelonën. Ai u tërhoq nga futbolli në vitin 2003 në moshën 36-vjeçare.
Pas futbollit të luajtur ai iu përkushtua trainingut. Ai ka menaxhuar skuadra si Numancia, Racing Santander, Celta Vigo dhe ka qenë ndihmësi i Luis Enriques te Barcelona nga viti 2014 deri në vitin 2017.
