Mbrëmjen e djeshme, Bayern Munich, pas fitores 1-0 ndaj Werder Bremen, u shpall kampion i Bundesligës për të tetën herë radhazi.
Gjatë ndeshjes së djeshme u aktivizua edhe talenti Alphonso Davies, një zbulim i sezonit bavarez, që në pjesën e parë të sfidës së luajtur mbrëmë vendosi rekordin e ri të shpejtësisë së Bundesligës për një lojtar.
Gjatë njërit prej inkursioneve të tij, kanadezi regjistroi shpejtësinë rekord të 36.51 km/orë. Kjo është shifra më e lartë e regjistruar nga 2013-2014, sezoni në të cilin lindi baza e të dhënave statistikore referuese.
