VIDEO/ Inceneratorët, mijëra ton mbetje të painventarizuar dhe te pakontabilizuar

Vlera e konçensioneve për inceneratorët arrin në plot 178 mln euro, të cilat mund të përdoreshin për rritje pagash e pensionesh, për rimëkëmbjen e ekonomisë, apo si ndihmë për bizneset.

Por në fakt kjo shumë po shkon për kontratat koncensionare të inceneratorëve, të cilat në bazë të marrëveshjeve rishikohen çdo vit, kuptohet në interes të konçensionarit.

Ndërkohë raportohet se është arritur marrëveshja tre palëshe për shqetësimin me mbetjet e integruara urbane të Durrësit.

Mësohet se marrëveshja është dakordësuar mes Bashkisë së Durrësit-Qeverisë dhe drejtuesve të impiantit të përpunimit në Sharrë.

Për katër muaj, mbetjet e Durrësit do të transportohen drejt Sharrës, pa pagesë.

Çështja e faturimit të mijëra tonëve të painventarizuar dhe te pakontabilizuar përbën fetën më të madhe të vjedhjes.

Video e mëposhtme tregon atë se çfarë ka ndodhur me inceneratorët, por ajo është vetëm maja e ajsbergut.

Në Tiranë, bizneset do të duhet të paguajnë një tarifë më të lartë lidhur me pastrimin, ndërsa shkak është inceneratori.

Në fund të vitit 2016, kompania “Integrated Energy B.V.” sh.p.k. fitoi koncesionin e ndërtimit të Landfillit, Inceneratorit dhe rehabilitimi i vend-depozitimeve ekzistuese Tiranë. Projekti koncesionar/PPP i paraqitur ka parashikuar kryerjen e pagesave për ofrimin e shërbimit në shumën 7.4 milionë euro në vit pa TVSH, nëpërmjet garantimit të një minimumi ditor prej 700 tonë/mbetje në ditë me tarifë prej 29.05 euro/ton, që për të gjithë kohëzgjatjen e koncesionit parashikohen në shumën 222.7 milionë euro pa TVSH (272 mln euro me TVSH) për 30 vjet.

LEXO EDHE  FOTO/ Prifti grek abuzoi 4 vite me minorenen shqiptare

Këto pagesa, sipas studimit të fizibilitetit dhe kërkesës së Ministrisë së Financave dhe Ekonomisë (MFE) për parashikimin në tavanet buxhetore, janë të detajuara në shumën 130.9 milionë euro mbështetje nga qeveria shqiptare dhe 91.8 milionë euro pa TVSH nga buxheti i bashkive në përbërje të Qarkut të Tiranës, për të gjithë kohëzgjatjen 30-vjeçare, sipas raporit. Në kontratë parashikohet minimum i garantimit ditor si dhe neni që çmimi indeksohet me inflacion të cilave u është bashkangjitur propozimi financiar.

Prej më shumë se dy vjetësh opozita i ka cilësuar si korruptive koncensionet për inceneratorët.

Jamarbër Malltezi, kreu i departamentit të Mjedisit në PD, ka deklaruar më parë se situata shumë e padëshirueshme dhe e tmerrshme, shumë e rëndë për banorët. Ky

Malltezi tha se zona e Kombinatit deri tek Pallati me Shigjeta po thithin tymin kancerogjen të inceneratorit të Sharrës të Klodian Zotos.

“Të gjithë inceneratorët mblidhen në një dorë, tek Klodian Zoto, tek sekseri i ministrit Arben Ahmetaj.
Qeveria është e gatshme ta sakrifikojë statusin e hapjes në negociatave që ai që ka në offshore 200 milionë euro, t’i shtojë edhe me 178 milionë të tjera”, tha Malltezi.

Malltezi ka denoncuar se inceneratori i Elbasanit është i demontuar nga Italia e Veriut dhe është për vete në fund të përdorimit, pas 35 vitesh dhe është vënë në përdorim duke u montuar me pjesë të tjera të ardhura nga vende të ndryshme, në mënyrë që afati i tij i përfundimit të përdorimit të mos zbulohet.