Testi në Gjuhë-Letërsi me gabime drejtshkrimore, QSHA tallet me maturantët: Ishte e qëllimshme

Teksa maturantët protestuan në shenjë kundërshtie u shprehën kundër pyetjeve në testin e Gjuhës Shqipe dhe Letërsisë, vjen një sqarim befasues nga Ministria e Arsimit.

Lidhur me pretendimin se në test ka gabime drejtshkrimore, QSHA ka pranuar këtë fakt, ndërsa shtoi se ky tekst është ndërtuar në mënyrë të qëllimshme i tillë, për të vlerësuar kompetencat gjuhësore të nxënësve.

“Lidhur me pretendimin se në test ka gabime drejtshkrimore, QSHA sqaron se ka vërtetë një tekst me gabime, por ky tekst është ndërtuar në mënyrë të qëllimshme i tillë, për të vlerësuar kompetencat gjuhësore të nxënësve.

Kjo u është bërë e ditur maturantëve, përmes një fjalie sqaruese, që në fillim të tekstit. Nga ana tjetër, duhet theksuar se përdorimi i teksteve të tilla është një praktikë e përdorur nga hartuesit e testit edhe më parë në testet e Maturës Shtetërore.

Madje, edhe në modelin e prezantuar nga QSHA para disa ditësh, është përfshirë një tekst i tillë.”,– thuhet në njoftimin e Ministrisë së Arsimit.

LEXO EDHE  U kap me dr*gë dhe 4 mijë euro, arrestohet shqiptari në Itali