Një grua e re është arrestuar nga policia britanike pas një plagosje të dyfishtë me armë zjarri në Barking, në lindje të Londrës. Shërbimet e Urgjencës u thirrën në Wilmington më 4 qershor pas raportimeve për të shtëna me armë në zonë.
Menjëherë pas marrjes së telefonatës rreth orës 02:15, policia dhe urgjenca mjekësore mbërritën në vendin e ngjarjes, ku gjetën dy meshkuj të plagosur.
Njëri prej tyre, një 24 vjeçar, D,Gashi, me origjinë nga Kukësi, i cili kishte plagë më të rënda dhe një tjetër ishte plagosur më lehtë.
24-vjeçari, shënjestër e sulmit me armë, mbetet në një gjendje kritike në spital.
Rushelle McLaughlin, 26 vjeç, nga Northolt, Middlesex, u akuzua dje për posedimin e një arme zjarri me qëllim të rrezikimit të jetës.
Ajo është paraburgosur dhe u paraqit sot në Gjykatën e Magjistraturës në Barkingside.
