I ftuar në emisionin “Tempora”, avokati Adriatik Lapaj u shpreh se opozita duhet të shkojë në zgjedhje me një aleancë me qytetarët.
“Duhet shkuar me një aleancë më të madhe me popullin. Duhet që përfaqësuesit e opozitës të mos uleshin me palën tjetër, pa një transmetim live, të kishte kamera ta shikonin të gjithë. Nëse do të kishte një aleancë me popullit, ai njeri ta siguroj që është në minorancë”, tha Lapaj.
Në vijim ai shtoi se është krijuar një teori sikur bëjmë kritikën e opozitës dhe jemi të Ramës.
“E bëjmë ndaj opozitës se kemi shpresë, nuk duam që të ikë një Ramë dhe të vijë një tjetër. Ne i kemi bërë mijëra kritika Ramës dhe se po i bëjmë një kritikë në një moment të rëndësishëm opozitës, dhe i themi që të mos bjerë në kurth”, tha ai.
