Plot 12 ndeshje në Bundesliga dhe 793 minuta në total: 11 gola. Impakti i Erling-Braut Haaland me kampionatin gjerman ka qenë vërtet i jashtëzakonshëm: sulmuesi norvegjez ka debutuar më tri gola, ndaj Augsburg, dhe më pas është përfshirë menjëherë dhe në mënyrë perfekte në mekanizmat e studjuar nga Favre.
Ai që i bën edhe më të pabesueshëm numrat e ish-bomberit të Salzburg është krahasimi me sulmues të mëdhenj të së tashmes dhe të shkuarës në Bundesliga.
Askush në fakt nuk ka pasur këtë impakt në sezonin e debutimit, as emra legjendarë si Gerd Muller apo Jupp Heynckes, që në 12 ndeshjet e tyre të para kanë realizuar 10 dhe 6 gola.
Shtatë ka shënuar Aubameyang, ndërsa Lewandowski u ndal në 4, dy më pak se Klinsmann por një më shumë se sa Timo Werner. Miroslav Klose, shënuesi më i mirë i historisë së Botërorëve, firmosi një gol në 12 ndeshjet e para si debutues në Bundesliga, sezoni 1999-2000.
