Myslym Murrizi dhe deputetë të asaj që njihet si “opozita e re” kërkojnë largimin e Rudina Hajdarit si bashkëkryetare e Komisionit të Posaçëm të Reformës Zgjedhore.
Tre grupet parlamentare opozitare i kanë propozuar Kuvendit që në Komisionin e Posaçëm të Reformës zgjedhore t’i përfaqësojë Myslim Murrizi, i cili është zgjedhur po ashtu kryetar i grupi demokrat.
Sipas tyre, Hajdari nuk mund të përfaqësojë më opozitën parlamentare pasi ka firmosur një marrëveshje që nuk janë dakord dhe nuk e votojnë në Kuvend.
“Opozita e re” kërkon lista të hapura, rritjen e pragut elektoral në 5 %, si dhe ndalimin e koalicioneve parazgjedhore.
Kjo e fundit është në interesin e socialistëve, ndaj dhe deputetë të kësaj të fundit, apo të lidhur me të, kanë firmosur ose janë deklaruar në mbështetje të tre kërkesave.
