Ambasadorja amerikane Yuri Kim ka takuar ditën e sotme Rudina Hajdarin ku diskutuan për marrëveshjen për Reformën Zgjedhore si dhe për integrimin europian.
Kim tha se e respekton luftën e Rudina Hajdarit për më shumë sa i përket Reformës Zgjedhore por duke mbajtur edhe një panoramë të gjerë në mendjen e saj siç është integrimi europian.
Hajdari në emër të opozitës parlamentare nënshkroi draftin me 12 pika të marrëveshjes për Reformën Zgjedhore në Këshillin Politik, por më pas deklaroi votën kundër në Kuvend duke vendosur si kusht ndryshimin e sistemit zgjedhor në hapjen e listave. Opozita parlamentare ende nuk po ‘bindet’, teksa mazhorancës i duhen edhe disa vota për të siguruar numrin e nevojshëm për të miratuar draftin në Kuvend.
