Testi i Gjuhës e Letërsisë, themeluesja e qendrës së vlerësimit: Të anullohet, nëse ka gabime

Dr. Shpresa Petrela, themeluese e qendrës së vlerësimit në arsim, ka reaguar përmes rrjeteve sociale, lidhur me testin e Gjuhës Shqipe dhe Letërsisë, që ishte edhe provimi i dytë për Maturën Shtetërore.

Testi në fjalë ka sjellë reagimin e maturantëve, që prej të premtes protestojnë para Ministrisë së Arsimit, ndërsa kërkojnë rivlerësimin e tij.

Në reagimin e saj, Petrela shkruan se “nuk mund të rri pa shkruajtur diçka për kontestimin e testit të letërsisë… E kam krijuar Qendrën Kombëtare të Provimeve me një grup të vogel ekspertësh të huaj e vendës si dhe drejtuar këtë qender qysh nga krijimi e deri 2007. Per herë të pare realizuam dhe maturen shtetërore… E lexova 2 here pyetjen me “ Turin”.. ( M’u duk si një përkthim pa iu përshtatur gjuhës shqipe.) Si tekniciene po jap mendimin tim shumë shkurt.

LEXO EDHE  VIDEO/ Rama: Erdogani burrë i fjalës, vepron sipas udhëzimit të profetit Muhamed

1. A janë të familiarizuar nxënësit me pyetje të tilla ku alternativat janë bazuar në një pjesë të shkëputur nga një libër, ku autori i librit duhet vënë në fund të pjesës së cituar. ( domosdoshmërisht pjesa e shkëputur nga libri duhet të jete pjesë e programit të provimit)

2. Asnjë test nuk duhet të kete gabime gramatikore qoftë ortografike. Nese ka, nxënësit kanë të drejte ta kontestojnë testin”, shkruan Petrela.