Ish-ministri i Drejtësisë, Ylli Manjani, ka ironizuar listat e kandidatëve për deputetë, ndërsa shkruan se përveç ligjit për dekriminalizimin, nevojitet edhe një ligj për debudallizimin.
“Lulzim Basha, Petrit Vasili e Shpëtim Idrizi janë përgjegjës politikisht për nënshkrimin e listave të kandidatëve për deputetë në zgjedhjet e fundit. Cilësia politike, madje edhe IQ e të propozuarve prej tyre e që zunë vendet në parlament është skarco. Pa dyshim!
Por, krahasuar me firmën e Edi Ramës që ka mbështetur ish të dënuar, të kërkuar nga drejtësitë perëndimore, trafikantë e drogaxhi, shkelës ligji e të fortë, firmat e Lulit, Petritit e Shpëtimit janë amatore”, shkruan Manjani në rrjetet sociale.
Por ai shton se kandidatët e përzgjedhur nga Basha, Vasili dhe Idrizi as i afrohen cilësisë së lartë e tepër të lartë të demografisë kriminale në politikë.
“Sidoqoftë përveç ligjit për dekriminalizimin, politikës i duhet dhe një ligj për debudallizimin…”, shkruan Manjani.
