Garancia e parë sovrane/ Shtyhet afati i aplikimit deri më 20 qershor

Ministrja e Ekonomisë dhe Financave, Anila Denaj ka bërë me dije se aplikimet për garancinë e parë sovrane janë shtyrë deri më 20 qershor.

Sipas saj, deri më 5 qershor kanë aplikuar 712 subjekte nga të cilat 462 u është miratuar, përkthyer në vlerën e 5 milionë e 883 mijë.

Qeveria shqiptare gjatë pandemisë akordoi dy garanci sovrane për kredi, e para 11 miliardë lekë ku riskun e merrte përsipër plotësisht qeveria, dhe një të dytë 15 miliardë lekë ku qeveria garantonte 60% të principalit të çdo huaje dhe interes jo më shumë se 5%, por vetëm për 3 kategori, turizmin, fasoneritë dhe aktivitetet prodhuese.

LEXO EDHE  Gjekmarkaj: Nëse ndërhyrja e policisë do vinte 5 minuta më vonë, në PD do të kishte arkivole

Statusi i Denajt:

Afati i aplikimeve për kredi me Garanci Sovrane 1 është shtyrë deri në datë 20 Qershor.

Për kreditë përmes Garancisë Sovrane për Pagat e sektorit privat, Qeveria Shqiptare:

subvencionon plotësisht interesat;

garanton 100% kreditë e aprovuara nga sistemi bankar.

Të dhënat mbi Garancinë Sovrane deri në 05 Qershor.