Policia e Fierit ka arrestuar një 53-vjeçar dhe ka shpallur në kërkim djalin e tij, pasi akuzohen për kultivim të lëndëve narkotike.
Pas hekurave ka përfunduar shtetasi R. S., 53 vjeç, dhe është shpallur në kërkim djali i tij, shtetasi F. S., 21 vjeç, banues në Ndermënas, Fier.
Sipas burimeve zyrtare, në oborrin e banesës së tyre në fshatin Ndermënas, janë gjetur disa fidanë të dyshuar narkotikë kanabis sativa.
Materialet i kaluan Prokurorisë pranë Gjykatës së Shkallës së Parë Fier, për veprën penale “Kultivimi i bimëve narkotike”.
