Katër kandidatët për drejtor të Byrosë Kombëtare të Hetimit janë të pastër dhe mund të vazhdojnë garën. Ky është konkluzioni i shprehur nga Prokuroria e Përgjithshme, që ka bërë edhe verifikimin e figurës së tyre.
Kandidatë për Drejtorë të BKH-së janë Aida Hajnaj, Artur Beu, Ervin Hodja dhe Idajet Faskaj.
Prokuroria ka nisur informacion në SPAK duke theksuar se në bazë të ligjit për dekriminalizimin të 4 kandidatët e fundit në garë janë të pastër.
Gjithashtu SPAK do të bëjë dhe vettingun e kandidatëve, që do të bëhet nga komisioni me dy prokurore dhe një gjyqtar.
