Një shekull pas pandemisë së tmerrshme të 1918-tës, vendi më i madh i Amerikës Latine u kthye i dyti në botë për numrin e vdekjeve nga Covid 19. Sot mjeku më i njohur i Brazilit, Drauzio Varella kujtoi rrefimet e gjyshes së tij kur në kohën e gripit spanjoll, njerëzit i linin të afërmit e tyre të vdekur jashtë shtëpisë që të vinin e t`i merrnin autoritetet për t`i vendosur në varre të përbashkëta.
100 vjet më vonë, vendin është tronditur nga një tjetër pandemi shkatërruese dhe Varella shpjegon për the Guardian, se askush nuk e besonte që diçka e tillë mund të ndodhte vërtet. “E menduan ndoshta teorikisht, por edhe kur virusi mbërriti vërtet, askujt nuk i shkoi në mendje që sëmundja do të merrte përmasa të tilla”, shton ai.
Të premten, Brazili kapërceu Britaninë e Madhe për nga bilanci I viktimave. Ai shënon sot gati 42.800 jetë të humbura nga Sars-Cov-2.Sistemi shëndetësor i Brazilit po përballet me shifrat më të rënda të të infektuarve nga koronavirusi, të cilat duket nuk po I përballon dot. Ministria e Shëndetësisë ka raportuar më shumë se 1,200 viktima në ditë që prej të martes teksa vendi po përpiqet ndërkohë të relaksojë masat dhe të rihapë bizneset.
