Borxhet e Digitalb/ Vjen dhe paralajmërimi nga Kosova: Do veprojmë njësoj si FSHF-ja

Pas iu ndërpre transmetimi i ndeshjeve të Kategorisë Superiore dhe Kupës së Shqipërisë nga FSHF-ja për shkak të borxheve, një paralajmërim tjetër për Digitalbin vjen nga Federata e Futbollit në Kosovë.

Presidenti Federatës së Futbollit në Kosovë Agim Ademi paralajmëroi se nëse kompania “Digitalb” nuk respekton detyrimet financiare ndaj FFK-së, atëherë do të ndërpresë bashkëpunimin.

Kreu i futbollit në Kosovë bëri me dije për median “Periskopi” se do të ndiqet e njëjta rrugë nëse “Digitalb” nuk përmbush detyrimet kontraktuale karshi FFK-së.

“Ende jemi në kontratë me ‘SuperSportin’ deri në fund të kampionatit, pastaj do të shohim kush është i interesuar dhe cila do të jetë oferta më e mirë për të vendosur bashkarisht. Nëse ndodh që nuk i kryejnë detyrimet, sigurisht se do të veprojmë njësoj (si FSHF-ja)”, deklaroi presidenti FFK-së Agim Ademi.

LEXO EDHE  Tottenham do Kessie në Janar

Prej kësaj jave ndeshjet e Kategorisë Superiore dhe Kupës së Shqipërisë, FSHF-ja njoftoi se do t’i transmetojë live në faqen e saj pasi ende nuk ka marrë një përgjigje nga kompania “Digitalb”.