Instituti Kombëtar i Shëndetësisë Publike në Kosovë, ka njoftuar për 53 raste të reja me koronavirus të shtunën, ndërsa shtatë persona janë shëruar. Ky rezultat vjen pas testimit të 313 mostrave, thuhet në njoftimin e IKSHPK-së.
“Rastet pozitive janë nga: komuna e Vushtrrisë 18 raste (sipas vendbanimit: 11 raste Stanovc i epërm, 4 raste Vushtrri, 1 rast Gllavotin, 1 rast Maxhunaj dhe 1 rast Dumnicë e poshtme), komuna e Prishtinës 18 raste (sipas vendbanimit: 18 raste Prishtinë), komuna e Istogut 11 raste (sipas vendbanimit: 11 raste Shushicë), komuna e Rahovecit 3 raste (sipas vendbanimit: 3 raste) dhe me nga 1 rast vendbanimet: Fushë Kosovë, Skifteraj-Viti dhe Pejë”, raporton Rel.
“Nga data 08 shkurt deri më 13 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 18.247 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.437 raste, me gjithsej 32 raste të vdekjes të cilët kanë pasur sëmundje të tjera shoqëruese”, thuhet në njoftimin e IKSHPK-së.
Instituti Kombëtar ka bërë të ditur se mosrespektimi i masave mbrojtëse mund të çojë në rikthimin e masave më rigoroze.
Me shifrat e fundit, numri i përgjithshëm i të infektuarve me koronavirus në Kosovë ka arritur në 1,437. Prej tyre, 928 pacientë janë shëruar dhe 32 kanë vdekur.
