Formula 1 ka njoftuar se Çmimet e Mëdha të Singaporit, Japonisë dhe Azerbajxhan-it, nuk do të zhvillohen gjatë këtij sezoni, duke iu bashkuar kështu garave të Australisë dhe Tajlandës.
Siç njoftojnë media evropiane, Vietnami mund të jetë gara e radhës që mund të heqë dorë nga zhvillimi i garës, ndërkohë që edhe gara e Austin në Texas është në rrezik.
Javën e kaluar, F1, publikoi kalendarin me tetë garat e para të sezonit 2020, ku gjithçka do të fillojë me Çmimin e Madh të Austrisë më 5 korrik. Ndërsa aktualisht po punohet për të finalizuar kalendarin e mbetur për sezonin, ku parashikohen që në total të zhvillohen 15-18 gara.
