Një shpërthim ka ndodhur në orët e para të mëngjesit të sotëm në rrugën Dëshmorët e 4 Shkurtit në Tiranë.
Nga shpërthimi ka pasur dëme materiale te një lokal dhe te biyneset ngjitur me të.
Mësohet se lokali i përket shtetasit Arben Koçollari.
Nga raportimet mësohet se lënda plasëse, rreth 100 gram, ishte me fitil.
Policia ka sekuestruar kamerat e sigurisë, që duket se kanë fiksuar edhe autorin e dyshuar të vendosjes së lëndës plasëse.
Mësohet se autori i dyshuar mbante një kapuç në kokë, ishte i veshur me një kostum sportiv, ndërsa është larguar me këmbë nga vendi i ngjarjes.
