Vrasja me armë zjarri në Tiranë, policia jep detaje

Vrasje me armë zjarri në Tiranë. Krimi ka ndodhur në zonën e njohur si “Komuna e Parisit”.

Nga informacionet paraprake, mësohet se një person që është qëlluar me armë zjarri: 40 vjeçari Hekuran Billa, nga Kukësi.

Policia ka shkuar në vendngjarje dhe një grup hetimor është ngritur për gjetjen e autorit apo autorëve të krimit dhe zbardhjen e ngjarjes.

Burime policore thanë se viktima është gjetur në makinë, i pajetë, ndërsa dyshohet se është qëlluar me armë zjarri me silenciator. Në media, janë publikuar foto nga vendngjarja dhe raportohet se viktima ishte nën drejtimin e një automjeti tip “BMW X6” kur është qëlluar.

Vrasja në Tiranë/ Dëshmitë nga vendngjarja: Shoferi në “BMW X6” u qëllua në lëvizje (FOTO)

“Rreth orës 22:00, tek Komuna e Parisit në rrethana ende të paqarta është vrarë më armë zjarri shtetasi H.B., 40 vjeç, i cili po qarkullonte me mjetin e tij. Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit. Menjëherë është ngritur Grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes, si dhe sekuestrimin e çdo prove të vlefshme qê do çojë në identifikimin e autorit”, njoftoi policia.

LEXO EDHE  Mbledhja e ‘Këshillit Kombëtar’/ Nga Alibeaj te Gjekmarkaj, ja si ndahen pozicionet në Komisionet Parlamentare

Ndaj viktimës, rëndonte një dënim për vrasje e kryer në Angli disa vite më parë.

Hekuran Billa ne vitin 2008

Hekuran Billa, lindur në Kukës, në vitin 2008, është dënuar nga Gjykata e Kurorës Snaresbook, Angli, për një vrasje të kryer atje. Në vitin 2008, Billa ka ekzekutuar shqiptarin Prel Marku.

Mediat raportonin asokohe se krimi ndodhi në vazhdën e përplasjeve mes bandave për kontrollin e prostitucionit dhe trafikut të qënieve njerëzore.

Vrasja në Tiranë/ Kush është Hekuran Billa dhe e shkuara e tij (Foto)