Tirana ka mundur me rezultatin 4-1 Besëlidhjen e Lezhës, në ndeshjen parë të vlefshme për çerekfinalen e Kupës së Shqipërisë.
Bardheblutë konfirmojnë edhe një herë sezonin e mrekullueshëm që po zhvillojnë duke mos njohur kundërshtarë si në Superligë ashtu dhe në kompeticionet e tjera. Ekipi aspirant për tu shpallur kampion,arritën sot një fitore me përmbysje pasi ishin miqtë ata që shënuan të parët.
Besëlidhja shënoi me anë të Hoxhës në minutën e 12-të pas një aksioni mjaft të bukur. Gjithsesi kryeqytetasit përmbysën gjithçka brenda pjesës së parë. Fillimisht barazoi rezultatin Batha me anë të një 11-metërshi në minutën e 26-të, ndërsa avantazhin e morën në minutën e 37-të me autor të golit Elton Cale.
Në pjesën e dytë Tirana arriti të shënojë edhe 3 herë të tjera duke i mbyllur llogaritë për ndeshjen e kthimit. Golat u shënuan nga Torasa 62’, Elton Cale 68’ dhe në minutën e 81-të Sidibe vendosi rezultatin përfundimtar në 5-1.
