Kreu i opozitës Lulzim Basha ka dënuar mjaft ashpër dhunën policore të ushtruar nga policia ndaj banorëve të Velipojës të cilët dolën në mbrojtje të tokave të tyre.
Me anë të një reagimi në twitter Basha shkruan se Rama i tmerruar dhe i friksuar nga qytetarët po kërkon tu japë sërish oligarkëve dhe të vjedhë shqiptarët.
Sipas Bashës këto akte barbare janë dhe grahmat e fundit të një kufome politike.
Ja postimi i Bashës:
Në ditët më të vështira për shqiptarët, kur xhepat janë të zbrazur dhe varfëria po rritet çdo ditë, Edi Rama përdor dhunën dhe gazin lotsjellës për të grabitur tokat në Velipojë. Në orën që kërcënon qytetarët se do t’i rimbyllë në karantinë, RAMAVIRUSI dhe banditët e tij prishin pa ligj vetëm për të grabitur pronat në bregdet për oligarkët dhe krimin. Me RAMAVIRUSIN shqiptarët varfërohen e oligarkët pasurohen. I rrënuar dhe i tmerruar nga revolta e qytetarëve, këto akte barbare janë grahmat e fundit të një kufome politike që po qelb Shqipërinë.
