Kampionati amerikan i futbollit, MLS do të rinisë nga data 8 korrik dhe do të përfundojë sezonin e saj më 11 gusht.
Deri në përfundimin e sezonit do të luhen 54 ndeshje në total dh eta gjitha takimet do të zhvillohen në Walt Disney World Resort në Orlando, Florida.
Parku i zbavitjes, në fakt, ka edhe një kompleks të madh sportiv me fusha, ESPN Wide World of Sports Complex, ku 26 klubet e Major League Soccer do të përballen në një format të revizionuar.
Për sai përket ndarjes së ndeshjeve sipas sistemit amerikan, më 8 korrik do të nisë faza me grupe, ku skuadrat do të jenë të ndara në 6 grupe duke llogaritur pikët e arritura në sezonin e rregullt. Më pas mes datës 25 dhe 28 do të jenë 1/8-tat dhe 30 korrik dhe 1 gusht çerekfinalet.
Më 5-6 gusht gjysmëfinalet dhe më 11 gusht finalja. Plot 26 javë lojë dhe 54 ndeshje, nga të cilat 39 në fazën me grupe dhe 15 në turet e eliminimit direkt.
