Marrëveshja për Zgjedhoren, Rama: Kënaqësia e vetme që mora ishte se u kënaq Luli

Kryeministri Edi Rama ka reaguar sërisht lidhur me marrëveshjen që u arrit në Këshillin Politik mbi zgjedhoren.

Rama tha se e vetmja kënaqësi që mori nga ajo marrëveshje ishte fakti se u kënaq “Luli”.

Kreu i qeverisë tha se me këto ndryshime synonte që të bënte një reformë si e donte opozita që të mos kishin më pas llafe.

“Nuk ka 15 kushte për të shkuar drejt konferencës së parë ndërqeveritare. E di që situata nuk është e qetë, ne kemi dakordësuar një marrëveshje, duhet që ajo të mos lëvizë, sigurisht e vetmja kënaqësi që kam marrë nga marrëveshja është kënaqësia e Lulit, më shumë se kaq nuk ka asnjë kënaqësi nga ajo marrëveshje sepse nuk reformon asgjë në sistem, por qëllimi ishte pikërisht ky, që të bashkoheshim të gjithë ne, bashkë me gjithë Botën për ta lehtësuar Lulzim Bashën dhe pastaj dhe të tjerët nga frika e tmerrshme e zgjedhjeve dhe për t’i thënë ‘si e do ti që të mos kemi më llafe’.

Ata do të bëjnë prap llafe, se PS do t’i fitojë prap zgjedhjet, po sidoqoftë ne e bëmë këtë në funksion të një mesazhi paqeje dhe ndërveprimi.

LEXO EDHE  Koronavirusi në Itali/ 99 humbje jete dhe mbi 15 mijë të infektuar në 24 orët e fundit në Itali

Shumë njerëz nuk janë dakord me mua, do të donin të vazhdonim në mënyrë të drejtëpërdrejtë, por në këtë situatë dhe për një nevojë për ta ndryshuar klimën, ne duhet të bëjmë tonën, dhe për të hequr çdo mundësi për t’u gjetur sebepe, ne dhamë dakordësinë.

Është një dakordësi që duhet të kalojë në Parlament, nuk duket të jetë fushë me lule, por ne i qëndrojmë marrëveshjes dhe duam që ta votojmë. Pastaj nëse ka hapësira të tjera për t’i respektuar edhe opozitarët në parlament që në këtë rast nuk votojnë një ligj që lidhet drejtpërdrejte me të nesërmen e tyre, do të shikojmë, do të dëgjojmë dhe do të jemi konstruktivë.

Besoj që është e mirë që të gjithë ne të kalojmë në një stad tjetër maturimi. Nuk kemi pse bëjmë marrëveshje për të ndenjur kështu siç jemi nëpër ambasada”, tha Rama.