Gennaro Gattuso pritet të zyrtarizohet së shpejti si trajneri i Napolit edhe për sezonin e ardhshëm.
Ish-futbollisti i Milanit u caktua si trajneri i Napolit më 11 dhjetor 2019, menjëherë pas largimit të Carlo Ancelottit. Gattuso nënshkroi një kontratë deri në përfundimin e sezonit aktual, ndërsa tashmë duket se palët janë pranë një marrëveshje afatgjatë.
Sipas “Il Mattino” prej disa ditësh tashmë agjenti i ish-futbollistit italian, Jorge Mendes, ka qenë në bisedime të vazhdueshme me klubin e Napolit për një rinovim të kontratës deri në vitin 2023.
Kontaktet e para midis agjentit portugez dhe presidentit Aurelio Di Laurentiis, filluan në prag të ndeshjes së Napolit kundër Barcelonës në Ligën e Kampioneve, por kaosi i shkaktuar nga pandemia pezulloi gjithçka deri më tani.
Vullneti i trajnerit nga Kalabria, është të mbetet në blu për një kohë të gjatë dhe këtë gjë ai ua ka komunikuar lojtarëve të tij.
