IKMT dhe policia ndërmorën një operacion kundër krimeve mjedisore përgjatë rrjedhës së lumit Fan.
IKMT njoftoi se u gjobit fabrika e pasurimit të bakrit në Fushë Arrëz, pasi shkarkonte ujërat e ndotura në Fan.
IKMT në bashkëpunim me Policinë e Shtetit ushtroi kontroll në fabrikë dhe konstatoi se ajo i shkarkonte ujërat e ndotura industriale në lumin Fan, duke shkakttuar ndotjen e lumit.
Ndaj këtij subjekti, IKMT mori masë administrative me gjobë 2 milion lekë, për shkeljen e kryer.
IKMT dhe Policia e Shtetit thanë se vijojnë punën evidentimin dhe parandalimin e ndotjes mjedisore në lumenjtë e vijat ujore në vend si dhe ndëshkimin e çdo kundërvajtësi, dhe njëkohësisht ftojnë çdo qytetar të denoncojë shkeljet në numrin 112 ose përmes Komisariatit Dixhital.
