Një 25-vjeçar u arrestua nga policia italiane për shitje të lëndëve narkotike. Ai survejohej nga policia pasi në tetorin e 2019 ishte ndaluar për të njëjtën vepër penale.
Mediat shkruajnë se 25 vjeçari Ramazan Lamja u kap duke i shitur një porcion kokaine një klienti. Ai jeton në Porto Recanati.
Agjentët e stacionit policor të Osimos teksa po hetonin trafikun e kokainës nga Loreto, i çoi ata në Porto Recanati. Këtu, të stacionuar dhe të fshehur, ata panë Lamjan të dalë nga shtëpia e tij, në lagjen e muzikantëve, në Porto Recanati, ku shkoi pranë një shtëpie të pabanuar duke takuar një djalë, i cili po e priste në timonin e një furgoni.
Pas shkëmbimit të tyre, policët bllokuan furgonin dhe gjetën gjysmë gram kokainë. Djali nga Castelfidardo menjëherë tha se e kishte blerë atë nga Lamja. Të shoqëruar nga një qen antidrogë, agjentët shkuan te shqiptari, dhe gjatë kontrollit gjetën një paketë cigaresh, që përmbante 7 doza me nga gjysmë gram kokainë brenda. Ata gjetën gjithashtu, doza të tjera të mbështjella me letër celofoni.
Pastaj, në banesën e shqiptarit 25-vjeçar, ata gjetën dy peshore elektronike si dhe armë lodër të fshehur në hirin e sobës. Djali përfundoi në pranga me akuza për trafik droge.
Seanca dëgjimore e vlefshmërisë u mbajt për të në gjykatën Macerata mëngjesin e djeshëm. Prokurorja, Francesca D’Arienzo, kërkoi masën e arrestit shtëpiak me byzylyk elektronik, veçanërisht duke theksuar faktin se shqiptari ishte arrestuar tashmë në tetor të vitit të kaluar për shitje të kokainës, dhe u dënua më herët me burg tre vjeçar. Djali kërkoi azil politik, i cili megjithatë u refuzua, kështu që për momentin ai nuk ka të drejtë të qëndrojë në Itali.
Avokatët mbrojtës të 25 vjeçarit shqiptar, dhe për këtë arsye djali aktualisht është i pa dënuar. Në fund, gjyqtari i gjykatës, Federico Simonetti, e konsideroi të mjaftueshme masën paraprake të detyrimit të nënshkrimit, kështu që i pandehuri u kthye në liri, deri më 11 qershor, kur do të gjykohet me një proces gjyqësor të shkurtuar.
