Jeff Bezos, ndryshe nga pjesa tjetër e botës, e ka shtuar pasurinë e tij gjatë pandemisë së koronavirusit.
Mediat e huaja bëjnë me dije se pronari i ‘Amazon’ mendohet se tani ka një pasuri prej 150 miliardë dollarësh dhe mendohet se nëse ai vazhdon me këtë ritëm, ai do bëhet njeriu i parë në botë që do të ketë në pronësi 1 trilion dollarë. Por pasuria e tij ka sjellë ndryshime edhe në jetën e tij pasi ai tashmë ka nisur të jetojë si një yll Hollivudi, ndryshe nga pamja prej ‘peshkopi’ që kishte ofruar vazhdimisht.
Mediat ndërkombëtare kanë shkruar se ai ka ndryshur pas ndarjes nga shoqja, MacKenzie, me të cilën kishte 26 vite bashkë dhe 4 fëmijë, ku dhe për pasojë kishte humbur 38 miliardë dollarë.
Ndarja erdhi pasi u mësua për aferën e Bezos me gazetaren Lauren Sanchez. Por historia e lidhjes së tij me Sanchez ka pasur edhe trazira duke qenë se një gazetë tabloide ka kërcënuar themeluesin e ‘Amazon’ se do i publikonte një foto nudo. Historia u komplikua pasi ishte pjesë e një skenari më të madh që e vendoste njeriun më të pasur në planet në me presidentin e SHBA dhe monarkun e Arabisë Saudite, që mendohej se ia ka vjedhur fotot në celular përmes hakerave.
Megjithatë, fillimisht u tha se fotot nudo ishin shitur për 200 mijë dollarë nga vëllai i të dashurës së Bezos, e ndërkohë Michael Sanchez iu bë një akuzë e rëndë. E ky i fundit ka reaguar duke thënë se për akuzën do të ‘hakmerret’ dhe se në gjyq do i thotë të gjitha.
“E kam mbrojtur dhe mbështetur motrën time 100 përqind që kur ka lindur. Madje shpesh kam marrë përsipër kostot për ta mbrojtur. Por tani është ndryshe dhe familja jonë është përçarë. Megjithatë Lauren nuk duket e shqetësuar. Pasi hetuesit e FBI dhe të Amazon më pastruan me akuzat se posedoja foto për të shantazhuar Bezos, mendova se minimalisht do më kërkonin një falje privatisht. Por Jeff dhe Lauren as nuk e hodhën kokën pas. Më hodhën nga autobusi. Mjerisht, ka të ngjarë që herën tjetër kur t’i shoh, do jemi në gjyq”, ka paralajmruar vëllai i të dashurës së Bezo, duke thënë se do u nxjerrë të palarat.
Ndërsa për miqtë, ai ka thënë se do publikojë gjëra që nuk do i pëlqejnë njeriut më të pasur në glob.
