Nën qeverisjen e “Rilindjes” kemi parë parë që nëpër parqe apo dhe në ambjente të tjera publike të vendosen objekte nga më të çuditshmet me arsyetimin për zbukurim.
Një rast i tillë ka ndodhur dhe në bashkinë e Pogradecit e cila ka vendosur një palë llastiqe gjigande në luishten kryesore të qytetit.
Ky objekt nuk iu ka pëlqyer aspak qytetarëve të cilat kanë pasur reagime shumë kritike ndaj zyrtarëve të bashkisë.
Pas debateve ka ardhur dhe një reagim nga vetë bashkia e Pogradecit.
“Vendosja e “llastiqeve” në një nga zonat e parkut nuk është as provokim dhe as tallje siç e kanë cilësuar disa persona në rrjetet sociale aq më pak me Korifeun e letrave shqipe, nderin e Pogradecit dhe gjithë Shqipërisë Lasgush Poradeci. Qëllimi jonë ishte që gjithësecilit prej nesh, ti sjellim në vëmendje një lojë që të gjithë e kanë luajtur në fëmijëri dhe llastiqet kanë qenë lojë e pandarë e të gjithëve. Ne jemi kundër krijimit të një debati që të çon askund. Por për ti dhënë fund debatit të krijuar, jemi duke menduar pozicionimin në një kënd tjetër të tyre.” shkruan në reagimin në faqen zyrtare në Facebook të bashkisë Pogradec.
