Publicisti Kim Mehmeti ka reaguar në rrjetet sociale mbi vendimet e para të Qeverisë Hoti në Kosovë. Mehmeti shkruan se kjo qeveri nuk solli ndonjë vendim në të mirë të Kosovës, por tregoi shenjë besnikërie ndaj Beogradit.
“Pa kaluar as tre ditë të plota nga ardhja në pushtet, Qeveria e ‘Listës Sërpska’ nuk solli ndonjë vendim në të mirë të Kosovës por – mbase në shenjë besnikërie ndaj Beogradit që ia siguroi votat e deputetëve serb – pa kushte e hoqi reciprocitetin ndaj Serbisë!
Dhe e shihni se çka nënkuptojnë me proamerikanizëm Presidenti i Kosovës dhe politikanët namqorrë që i kontrollon ai: t’i shërbesh pa kushte Serbisë?!”, shkruan Mehmeti.
Madje puclicisti shprehet se nuk duhet të habitemi nëse qeveritë e kohëve të Millosheviçit, të duken më atdhetare dhe patriotike dhe kjo qeveri.
“Por mos u ngutni, sepse do mund të ndodhë që qeveritë e kohëve të Millosheviqit, me në krye ‘Morinat’ tanë, të ju duken atdhetare e patriotike, në krahasim me këtë që në kohë pandemie e dekretoi Presidenti i Kosovës, e të cilën e mirëmban ‘Lista Sërpska’ dhe e teledirigjon Beogradi!”, shprehet Kim Mehmeti.
